» » Hacıqabulda iki yük avtomobili toqquşub

Hacıqabulda iki yük avtomobili toqquşub

Bu gün Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Bakı-Kürdəmir magistral avtomobil yolunun 151-ci km-də, Hacıqabul rayonu ərazisində “Mercedes” markalı yük avtomobilin “KamAZ” markalı yük avtomobili ilə toqquşması nəticəsində yol-nəqliyyat hadisəsinin baş verməsi barədə məlumat daxil olub.

FHN-in saytına istinadən verdiyi xəbərə görə, dərhal Nazirliyin Dövlət Yanğından Mühafizə Xidmətinin yanğınsöndürən-xilasediciləri hadisə yerinə cəlb olunaraq “Mercedes” markalı yük avtomobilində sıxılmış vəziyyətdə qalmış sürücünü çıxarıblar. Sürücü aidiyyəti üzrə təhvil verilib. Əməliyyat saat 05:17-də başa çatıb.
Müəllif: jurnalist | 7-11-2016, 09:12
Oxunub: 410
    
Reklam